Urriaren 22an, Frantziako Legebiltzarrak Kanakyko probintzietako hauteskundeak hirugarren aldiz atzeratzeko lege-proposamena aztertu du. Testua diputatuen eta senatarien arteko batzorde misto batean eztabaidatuko da azken bozketa aitzin.

Asteazken arratsalde honetan, Baionan, EH Bai alderdiak Christian Tein, Kanakyko FLNKS alderdi independentistako lehendakaria, errezibitu du. Alderdiko ordezkariek azpimarratu dute estaturik gabeko nazioak lagundu behar direla, Frantziako gobernuak sortzen dituen oztopoak gainditu eta autodeterminazio eskubidea bermatzeko. Peio Dufau EH Bai-ko diputatuak legearen aurka bozkatu du, Kanakyak aurrera egin dezan.

Christian Teinek gogorarazi du 1998ko Numeako akordioetan ezarri zen bozkatzaile kopurua mantendu behar dela eta hauteskundeak egin behar direla, ez gibelatu. Halaber, Tein urte batez preso egon zen Frantzian. Duela aste bat askatu dute eta itxoiten du autoritateek bere pasaportea itzultzea, Kanakyra itzultzeko eta herritarrekin aitzina egiteko.