EHBai-ren arabera, erabakitako 400.000 euroko emendatzea —horietatik 200.000 Euskal Hirigune Elkargoak emanak— ez da aski euskararen biziberritzerako. Gogorarazi dute EEPk berak 2023an egindako azterketak urtean 2,6 milioi euro gehiago behar zirela erakutsi zuela.
Txomin Casteigts EHBai-ko kideak Frantziako Estatuaren eta Pirinio Atlantikoetako prefetaren erantzukizuna seinalatzen ditu hizkuntza politika blokeatzea egotziz, eta, aldiz, Euskal Hirigune Elkargoak arduraz jokatu duela nabarmendu du. Egoera larri honen aitzinean, hizkuntza politika berri, ausart eta juridikoki bermatua eskatu du, lurralde mailan erabakitzeko botere handiagoarekin.

Euskararen aitortza: irtenbidea Europatik?

Ildo horretan, euskararen aitortza ofiziala Europar Batasunean palanka izan liteke. Horren harira, Peio Dufau berriki bildu da Europar Batzordeko presidentea den Ursula von der Leyenekin, eta euskararen ofizialtasunaren beharra berretsi dio Europar Batzordeako presidenteari.

Bestalde, EAJk ere salatu du eragile publikoek euskarari agindutako diru-laguntzak ez direla bete, borondate politiko falta eta Estatuaren politika gaitzetsiz, eta Ipar Euskal Herrirako Euskararen Lurralde Estatutuaren beharra aldarrikatuz.