François Bayrou Frantziako lehen ministroa erori da, Frantziako Asanblada Nazionalak konfiantza bozka ukatu diolako. 577 diputatuetatik 364k haren aurka bozkatu du, eta horrek lehen aldiz ekarri du V. Errepublikan lehen ministro bat horrela kanporatua izatea. Bozka historiko honek agerian utzi du gobernuak ez zuela nahikoa sostengu politikorik aitzinera egiteko. Oposizioak irmoki kritikatu ditu Bayrouk aurkeztutako erreformak, batez ere ekonomia eta lurralde antolaketari buruzkoak. Gobernuaren baitan ere tentsioak agertu dira azken asteetan, eta horrek diputatuen artean konfiantza galtzea azkartu du.

Emaitza argi horren ondotik, Bayrouk biharko goizean aurkeztuko du ofizialki bere dimisioa. Ondoren, Emmanuel Macron Frantziako presidentearen esku izanen da lehen ministro berri bat izendatzea eta gehiengo berri baten sostengua bilatzea.