Getariako Albert Larrousset eskola publikoko ikasleek Txekiar Errepublikako Okna herriko 14 ikasle eta hiru irakasle hartu dituzte aste honetan, Erasmus+ programaren baitan. Hamar egunez egonen dira Getarian, Euskal Herria ezagutzen.

Bisitariek eta Getariako ikasleek Peio Dufau diputatuarekin eta Cédric Curutchet herriko lehen axuantarekin egin dute topaketa atzo, demokrazia parte-hartzaileaz solasteko. Hautetsien lana eta herritarrek erabakietan parte hartzeko dituzten bideak ezagutzeaz gain, gazteek galderak egiteko aukera izan dute. Gaia aitzinetik landua zuten eskolan, Michaël Alcibar eskolako euskara irakasle eta Erasmus+ koordinatzailearen arabera.