Bidasoa Kirol Elkarteak Eskubaloiaren I. Nazioarteko Txapelketa antolatuko du abuztuaren 14an eta 15ean, Angelu-Miarritzeko Saint-Jean aretoan. Irungo Bidasoa taldearekin batera, Limoges, Pau Billère eta Nîmes ariko dira. Lurraldea Gara proiektuaren baitan den ekimenak mugaren bi aldeetako kirol-harremanak sendotu eta partida horiek denboraldi-aurreko ohiko hitzordu bihurtu nahi du.

Lehenik finalerdiak Bidasoa-Billère eta Limoges-Nîmes izango dira abuztuaren 14an, ostiralean; finala eta hirugarren eta laugarren posturako partida, abuztuaren 15ean jokatuko dira. Sarrerei buruzko informazioa datozen egunetan emango dute.