30 urte betetzen dira gaur emakume talde bat Hondarribiko alardean berdintasunez parte hartzen saiatu zenetik. 1996ko irailaren 8an, Kale Nagusiko soto batetik atera ziren 26 kideak, baina indarkeriaz eragotzi zieten desfilean sartzea. Aurtengo alardean, duela hiru hamarkada urratsa egin zuten lagunak eta haien babesleak omendu dituzte, emakumeek gizonen baldintza beretan parte hartzeko eskubidea aldarrikatzearekin batera.
Nora Ferreira, Jaizkibel konpainia parekideko kapitainak gure mikroan adierazi duenez, gatazkak konpondu gabe jarraitzen du oraindik gaur egun: Jaizkibel konpainia parekideak aparte desfilatzen du oraindik.