Korrikaren 24.edizioaren abiatze eguna aro bikainarekin hasi da. Haurrak izan dira protagonista nagusienak Korrika-txikirekin, goizeko hamarretatik goiti. Ondotik animazio andana abiatuko dira Atharratzeko plaza eta inguruko karriketan.
400 pertsonentzat bazkaria izanen da merkatu estalian, eguerditik biak arte, eta hiruetan abiatuko da Korrikaren ekitaldi berezia. Ondotik, 3:30etan, Korrika abiatuko da, eta lehen kilometroa Euskal Irratietako Ximun Carrere lehendakariak, eta Xarlot Etxeberri langileak eramanen dute.

Animazioek jarraituko dute Maulen arratsean, musika taldeekin.