Etxez etxeko langileen eguna dela eta, LAB sindikatuak langile horiei egindako inkesta baten emaitzak publiko egin ditu Departamendu kontseiluko egoitzaren aitzinean, Baionan. Sindikatuak etxez etxeko langileen 53 lekukotasun bildu ditu.

Inkestak dio etxez etxeko langileen gehiengoa emazteak direla, askotan diplomarik gabekoak, eta denbora erdiz ari direnak. Horrekin ere, LABek lurralde mailako eskumen soziala berreskuratzea aldarrikatu du, Parisen egindako hitzarmen kolektiboek ez baitute hemengo beharrei erantzuten.

LABek adierazi duenez, apirilaren 1ean deitutako gizarte eta medikuntza-sozial sektorearen mobilizazioarekin bat egingo dute, etxez etxeko langileen baldintzekin bat egiten duelako.