Beroteak ez dira txarrak mahastiendako bainan idorteak mahats ondoa kaltetzen ahal du oroz gainetik mahastia lapitz ainitz den lur batean bada. Arradoi eta Jaran diren mahasti ainitz, lur harritsu batean dira eta Izpura Bordaxurian kasu hortan dira, ur eskasarengatik 100ko 30aren galtzea estimatua dute jadanik.Mahats ondoaren salbatzeko golkoak kendu eta lurrerat bota dituzte.

Klima aldaketa pairatzeaz gain arnoaren edateko ohiturak ere kanbiatzen ari dira eta saltzapenak apalduz doatzi eta horri buru egiteko animazioak antolatzea behartuak dira beren sotuan, Elorri Reka Izpura Bordaxuriko ardo egile eta sotozaina beti prest eta gogotsu atxeman dugu jendeari atea idekitzeko eta bere ardoaren ixtorioa kondatzeko.