Asteartea
2026ko otsailaren 10a
Gizon bat autoarekin urera erori da astearte goiz honetan Amendüze-Unason. Auzoei esker atera dute errekatik.
Istripu larria gertatu da goiz honetan Amendüze-Unason, baina dena ongi bukatu da. Errekek gainezka egin dute eta gizon bat autoarekin eraman du urak. Jean Claude Mailharin eiherazainak oihuak entzun ditu eta segidan suhiltzaileak deitu ditu.
Sokorriak iritsi bitartean, etxean materiala izanik, gizona uretik ateratzea lortu du, beste pertsona baten laguntzarekin. Suhiltzaileak iritsi dira ondotik eta gizona prebentzioz ospitalera eraman dute. Jean Claude Mailharinek lekukotasuna eman dio Xermin Camblongi.
