Martxoaren 8a Emazteen Eskubideen Nazioarteko Eguna da. Martxoaren 8an berean, igandez, hainbat hitzordu antolatuak dira Ipar Euskal Herri osoan. Baina horrez gain, mintzaldiak ere proposatuko dituzte kolektibo desberdinek.

Lehenik eta behin, SUTAN kolektiboak « Beste mundu bat feminismotik » lemapean mobilizatzera deitu du igandeko 11:00etan, Baionako geltokitik. Ondotik, pote bat izanen da Epaiskan, jateko eta edatekoarekin ere. Bestalde, martxoaren 5ean, 19:00etan "Antolakuntza feminista, borroka antifaxistaren giltzarri" mahai-inguru bat izanen da, Biltxokon, Uma Ulazia, Argitxu Dufau et Aña Iriartekin.

Itaia kolektiboak ere martxoaren 8an mobilizatzera deitu du « Emakume langileok askatzeko batu borrokora » lemapean, 11:00etan Donibane Garaziko Herriko etxetik, eta 15:00etan Bainoko Merkatu Plazatik. Martxoaren 6an, « Emakume langileon askapenerako erronkak eta proposamena » hitzaldia Donibane Garaziko Charlotenian eskainiko dute 18:30etan, baita Baionako Planning familialean ere,19:00etan.

Azkenik, Lartzabaleko itzulgunean « Ez Gitxu Lo » lemapean elgarretaratzea izanen da, 12:00etan. Ondotik bazkari partekatua eta jokoak izanen dira Espelletenian. Hori aitzin, martxoaren 6an, mintzaldi bat izanen da, Espelletenian beti: « Euskal Gatazka Ikuspegi Feministatik », Olatz Dañobeitia eta Maider Galardik emanik.