"Zure begietan atzeman dut borroka leku bat, ez al duzu entzuten orroka laku bat?" leloa du errepika, eta lakuaren orroei modu kolektiboan eman diete musika. Lau taldetako kantarien ahotsak, eta bi dozena musikarik eman diete ahots eta doinu Haira Aizpurua Ibargarairen hitzei. Jarraian entzun daiteke kantua:

Maiatzaren 10ean izanen da aurtengo Herri Urrats, "Geroa eraikiz" lelopean. Donapaleuko lizeo berria eraikitzeko balioko du bildutako diruak.

Gaur, 12:10etik landa zuzeneko berezia eginen dugu Euskal Irratiek Baionako Biltxoko elkartetik, aurtengo kantua aurkezteko, egileekin batera.