Hiru euskal talde lehiatzen ari dira Nationale 2 mailan aurten. Multzo berean dira. Donibane Lohizune bosgarren da 30 punturekin, Orléans liderretik 10 puntutara. Xiberotarrak urrunago dira sailkapenean. Hamargarren lekuan daude 21 punturekin. Graulhet hamaikagarren da 18 punturekin eta Angelu hamabigarren 13 punturekin.

Angelu zailtasunean joaneko partidetarik landa

Itzuliko partiden hasiera markatuko du hamabigarren egunak. Angeluk bi partida irabazi ditu eta bederatzi galdu. Alta joan den astean errefera eman zion Mauleri Xiberoan. Baina puntu bakarra lortu zuten partida horren ondotik 17 - 12 galdurik. Igandean Langonen zelairatuko dira angeluarrak. Partida zaila izanen da berriz ere hirugarren baita sailkapenean Gironde aldeko taldea.

Etxeko partidetan ongi dabiltza Maule eta Donibane Lohizune

Partida bakarra galdu dute beren publikoen aitzinean Maulek eta Donibane Lohizunek. Maulek Orléans liderraren aurka eta Donibane Lohizunek Tyrosse laugarrenaren parean. Abantaila xiberotarrei beraz, horiek errezibituko baitute larunbat arratsalde honetan. Partida zuzenean emanen dugu 15.30tik goiti.