Miarritzeko Aldagune Multimodalaren proiektuaren xedea geltokiaren ingurunea bidaiarientzat berreskuratzea da. Abantzu 4.100.000 Euroko lanak 2026 hasieran abiatu eta 2027 bukaeran bukatuko dira. Europa/FEDER (%41,5), Mugikortasun sindikatua (%36,5), Miarritzeko herria (%17) eta Akitania-Berria Eskualdea (%5) dira diruztatzaileak. 2023an 830.000 bidaiari inguru hartuta, Miarritzeko geltokia izan da Ipar Euskal Herriko bigarren geltokitik erabiliena Baionakoaren ondotik.

Aldagune berriaren ekipamenduak:

• Ibilgailurik gabeko ataria.

• Taxi geltoki berria plazaren aitzinaldean

• Jauste lasterreko gunea eta VTC zerbitzuek erabiliko duten eremua Chapelet aparkalekuan

• 1.800 m²-ko azalera ukanen duen autobus geltokia, Txik Txak eta SNCF sareetako sei linearekin zuzeneko lotura ukanen duena

Egokitze iraunkorrak:

90 arbolak atxikiko dira eta 48 zuhaitz berri landatuko. Eta gaur egungo asfalta ataritik kenduko dute zola naturalagoa izan dadin ingurumena eta uraren zikloa hobeki kontuan hartuko dituen konponbide baten alde.