FDSEA eta JA 64 sindikatuek "Nos Terroirs en Fête" eguna antolatu dute abuztuaren 6an, asteazkenez, 10:00etatik aurrera, Donibane Lohizuneko merkatuan. Egun osoko besta izanen da: tokiko ekoizleen merkatua, baserri animaliak, haur eta helduentzako animazioak, taloak eguerditik aurrera eta afaria iluntzean. Aurtengoa zortzigarren edizioa da, eta besta honen bidez, laborarien egunerokoa ezagutarazi nahi da herritarrei.

Aurten, gainera, egunak oihartzun berezia izanen du Duplomb legearen testuinguruan. Lege horren aurkako petizioak bi milioi sinadura bildu ditu, baina FDSEA sindikatua legearen alde agertu da, laborarien lanbidea kaltetzen duela iritzita. Hori dela eta, besta hau iritziak elkarbanatzeko eta jendarteari laborarien egoera hobeto azaltzeko parada izanen da.