Israelekilako salmentak gelditzea galdetzeko astearte goiz honetan Bildozeko Etche Sécurité enpresaren aitzinean mobilizaziora deitu du Palestina Askatu kolektiboak. Enpresak segurtasuneko botak saltzen baitizkio Israeleko enpresa bati.

Lantegiaren aitzinetik bide bazterrera joan dira gero juntatu 25 bat pertsonak. Banderoletan "Palestina askatu", "Genozidio egileekin komertziorik ez", edota botak Israeli saltzez Etche Sécurité neutro dea? Idatzirik ziren besteak beste.

Elkarretaratze bukaeran enpresaburua eta manifestarien arteko hizketa delako bat izan da. Azkenean enpresaburuak idazki bat helaraziko ziela erran die, mintzatzen zelarik ez zelakoan entzuna.