Igande honetan ospatuko da Sarako Kontrabandisten Eguna, Herriko Etxeak, Sara Korrikak eta Olhain ikastolak, herriko elkarteekin batera, antolaturik. Goizetik gauera arte, Suharriaga parkean eta plazan ekitaldi ugari izango dira: artisau azoka, antzerkia, pilota partida, musika eta haur zein helduentzako lasterketak.

Eguneko unerik bereziena Kontrabandisten 62. Lasterketa izango da, 8,4 kilometroko ibilbide bereziarekin eta kontrabandisten janzkeran. Haurren lasterketak 17:00etan hasiko dira, eta helduenak, berriz, 18:00etan. Ondotik, festak segida izanen du Mutxikool taldearen kontzertuarekin eta Dizkobolo-rekin.

Aurtengo gonbidatuak Igantzi eta Biriatu izango dira; bi herriak erraldoiekin, joaldunekin eta korrikalariekin ariko dira, Sarak kontrabandoaren memoria eta auzolanaren espiritua ospatzen duen egun berezi honetan. Informazio gehiago hemen.