Iaz bezala 1.930.000 Euro banatuko diziete 29 eragile pribatueri aurten EEP Euskararen Erakunde Publikoa eta Eusko Jaurlaritzaren arteko lankidetzaren karietara. Orroit EEP-ko kide den Frantziako Estatuak joan den astean jakinarazi zuela 100.000 Euroz baizik ez zuela emendatuko bere urteroko ekarpena EEP-ri. Alta EEP-ren gainerateko beste hiru kideek, Akitania Berriak, Departamenduak eta Euskal Elkargoak 300 mila Euroz goratzea ekarpena espero zuten. Biharamunean, Jean-René Etxegarai Euskal Elkargoko lehendakariak ultimatuma pausatu zuen erranez hemendik urte bukaerara aldaketarik ez balitz Estatuaren ganik, Elkargoak ez zuela EEP-ren hitzarmenaren arraberritzea sinatuko. Maider Behotegi EEPko lehendakariak dio erabakitzaile guziak bildu beharko direla hortaz eztabaidatzeko. Bainan lehenik Estatuaren erantzunetik landa posizionatzea galdegiten die Eskualdeari eta Departamenduari.