La Nive zentroa, hamar urtez hutsik egon ondotik, berrenplegurako gune sozial bilakatzeko bidean da. UGECAM osasun segurantza kutxen kudeaketarako erakundeak eraikina saldu nahi badu ere, behin behinean, AIBA elkarteak bere proiektu soziala bertan abiatzeko ados agertu da. Elkarte horrek eguneroko objektuak konpontzeko berrerabiltze tailer bat sortuko du bertan, lanpostu sozialak sortu eta jasangarritasun ekintzetan sakontzeko.

Euskal Hirigune Elkargoaren eskutik, berregokitze lanetan den Alki enpresaren lantegi zaharrean kokatuko dira etorkizunean. Behin behineko akordio horren bidez, aurtengo apirila hastapenetik abiatzen ahalko du AIBA elkarteak 1.700 metro karratuko eraikin horretan.

Etorkizunean ez da argi zer gertatuko den La Nive zentro zaharrarekin, baina Mizel Hiribarren auzapezak azaldu duenez, bi proiektu posible daude mahai gainean, biak ala biak, formakuntzara bideratuak: Seaskaren lizeo profesional berriarena edota Ataria elkartearena.