Eskualdeko osasun agentziak erabakia eman du ostegun arratsalde huntan. Les Embruns arta etxeak ez ditu ateak hetsiko eta langileak lasaituak agertu dira, zentroaren zerratzeaz beldur baitziren. 115 langile ditu Bidarteko arta etxeak.
Beharrezko mediku berezituen parte bat atzeman dute baina kontratu mugatuan. Ondorioz, lehen denbora batean giharretako eta hezurdurari lotu patologiak dituzten eriak onartzen ahalko dituzte bakarrik. Magali Costinot Les Embruns zentroko ergoterapeuta da :
Frantses gobernuak debekatu du parazetamolaren internez bidezko salmenta hilabete ondarra arte. Arrazoina : molekula eta antibiotika batzuen hornitzeko zailtasunak badira farmazietan.
Xehetasunak Mailis Esteben Kanboko farmazialariarekin, Marga Forestieren mikroan.
Marko Bissier Hendaiako Eskuz izeneko okindegiko nagusia da.
9 langile ditu eta duela 6 urte ireki zuen okindegia, mozkin biologikoak baliatuz. Jose Luis Aizpuru hurbildu zako okindegira, eta elektrikaren emendatzearen ondorioez eta gobernuaren neurriez galdegin dako.
Fibraren instalakuntzan berezitua den enpresa likidazio judizialean ezarria izan da atzo. 2021ean Orangek kontratua murriztu zien eta sozietatea zailtasunetan gelditu zen. Circet enpresak hartu du berriz enpresaren aktibitatea baina langileen erdia baino gehiago kanporatuz. Asteazken hontan eman du erabakia Lyongo auzitegiak berehalako eraginarekin. Sindikatuen arabera, hilabete batez luzatuko da lizentziamendu prozedura. Alta, berehalako erabakia izanik, ez da negoziazio posiblerik izanen.
« PAUSA », Guillaume Fauveau argazkilarian erakusketaren estrena eginen da ostegun arrats huntan Atalante zinegelan. Etorkinei harrera egiten dien PAUSA lekuan eginiko argazki segida da, xrui-beltzean. Mediabask, Gara edo Berria hedabideentzat argazkilaria da lanbidez. Aldi huntan, proiektu pertsonalago bat aurkezten digu. Marga Forestier mintzatu da harekin:
