Heldu den irailaren 30ean Hazparneko Puyo aferaren auzia iraganen da Baionan. 2024ko urtarrilean Hazparneko Puyo etxebizitzen agentziaren okupatzeaz akusatuak dira 7 pertsona. Baita DNA edo hatz genetikoen emaiteari uko egiteaz ere. Oroit Aiherrako Etxexuria etxalde ohiaren salmenta espekulatzailearen salatzeko egin zela ekintza ez bortitz hura. Auzia aintzin ere manifestatzera deitu du Arberoa Lurra eta Etxebizitza elkarteak larunbat huntarako (irailaren 27a). « Indarrak Batu Espekulazioa borrokatu » lemapean, auto karakol operazioa antolatuko dute Donoztirik abiatuz goizeko 10 orenetan. 11 orenetan manifestazio batekin bukatzeko Hazparneko Puyo agentzian. Irailaren 30eko auzia aintzin, elkarretaratzea eginen dute arratsaldeko oren batetik goiti Baionako auzitegi aitzinean. Hitzartzeak ere izanen dira kanpoan auzi denboran.