Trollen mezuek ihardukitze negatiboak eragiteko xedea dute sare sozialetan eta usu erabiltzaile batek kontu edo profil anitz erabiltzeko jokamoldea baliatzen du iruzkinak biderkatzeko xedez. Ohar daiteke eskuin muturreko trollen mezuak gero eta gehiago agertzen direla. Aktualitatean, mehatxuak eta mezu herratsuak pairatu dituzte sare sozialetan Canon Français-ren kontrako elkarretaratzea antolatu dutenek Miarritzen duela hamar bat egun. Gai honi begira, frantsesez idazten duen Mediabask hedabideak ere trollen mezu anitz ukan ditu argitalpen bat facebooken ezarri ondotik bereziki.

Tidjan Peron Mediabask taldeko erredaktore burua elkarrizketatu dugu.