Korsikako eta Ipar Euskal Herriaren errealitateak konparatu ditu Eguzki Urteaga soziologoak azaro bukaeran argitaratutako liburu batean. Korsikan egin bidai baten ondotik irakasle gisa ohartu zen zenbat puntu amankomun diren bi lurraldeetako errealitateen artean. Bere iduriko antzekotasun asko badira bi lurraldeen artean, izan ekonomikoki, sozialki, demografikoki, kulturalki edo politikoki.

Azaldu du hizkuntza politikari dagokienez: "Korsikan badute zer ikasia Ipar Euskal Herritik" ikastolaren eredutik adibidez. Gehitu du hemen dugun instituzioen eta gizarte zibilaren arteko elkarlanaz inspiratu behar litezkeela Korsikarrak.

Aldiz, adierazi du: "Korsikan instituzionalizazioan pausu handiak egin dituzte", gehituz abertzaleek alderdi nagusia lortu dutela aliantzarik xerkatu gabe beste alderdiekin eta modelo instituzionala lortu dutela. Bere analisiaren arabera, "Korsikan lortu baldin badute instituzional mailan ongi aitzinatzen aldiz zailtasunak dituzte hizkuntza politikak martxan ematen", Ipar Euskal Herrian alderantzizkoa gertatzen delarik.