Ane Lekuona Mariscal Euskal Herriko Unibertsitateko arte ederretako fakultateko irakaslea den aldetik, gomitatu dute mintzaldi bat eman dezan Baionako Henri Grenet auditoriumean, azaroaren 27an, 18:30etan: Mugatik pentsatzeak dakarrena : XX. mendeko euskal artea ezbaian.

Mintzaldi horren bidez XX. mendeko Euskal Herriko artearen berrirakurtzea proposatzen du, izan ere, entseatu izan baita euskal artearen narrazioa birpentsatzea. Zeren eta iruditzen baitzaio euskal artearen irudi aski partziala dugula. Iritsi zaigun narrazioan bi konstante agertzen dela ohartarazi du: Hegoaldeari begira dela eta gizonetan zentratua.

Horregatik, 1954ko Mauricio Flores Kaperotxipiren  Arte Vasco liburua deigarria egiten zaio, Euskal Herria osotasunean hartu baitzuen eta emazte artisten presentzia handia baita liburuan. Euskal artearen historiaren irakurketa hori interesgarria egiten zaio Ane Lekuonari.

GAUR artista taldea ezagutzen dute anitzek, baina Ane Lekuonak hori agertarazi nahi du: haiei begira garen bitartean, inguruan aritu diren hainbat artistaren ekarpenak itzalean gelditu direla. Horregatik, ailegatu zaigun XX. mendeko euskal artearen historia hori zabaltzea du xedea, ikuspuntu anitzagoa proposatzea, bertze artista batzuk, eta bereziki emazteak, ezagutaraztea.

Azpimarragarria zaio, bestalde, Euskal Herria ez zela nazioarteko arte-mugimenduetatik bazterrean egon, Donostia edota Miarritze paratu ditu adibide gisa.

Bat hautatzekotan, María Paz Jiménez Escudero da Ane Lekuona arte-irakasleak hautatu duen Euskal Herriko arte garaikideko artista.