Aldaketa andana aurkeztuak izan dira Berritza elkartearen biltzar nagusian. Hemendik aitzina bulego eta errepika gela berria izanen dute, antzerki, dantza eta musika taldeek baliatzen ahalko dutena. Hirigune Elkargoak eskaini dio azpiegitura elkarteari, Xiberoako kultur ekoizpenak bultzatzen segi dezan. Azken urteetan, dantza ikastaroak eskaini dizkie Berritzak lizeoko 30 ikasleei, eta horren kari, Txingilika dantza-taldea sortu dute.

Baiona Ttikiko hamazazpi ostalarik bat egin dute beren garagardo artisau propioa ekoizteko. 'Kasu' izena eman diote, pandemia ondotik osatu zuten 'Kasu, ostalariak kexu' kolektiboa gogora ekarriz. Orotara, pale ale motako 6.000 botila ekoitzi dituzte Angeluko La Superbe garagardotegian.

Etxebizitzaren problematika aipagai behin ere Arberoan. Geroz eta ageriagoa den arazo horri zein aterabide ematen ahal zaion ukan dute ardatz aldi honetan. Horretarako Etxalde elkarteko Beñat Etxebest gonbidatu dute, JTko ordezkaritza bat, Lurzaindiako Beñat Duhalde edota Irisarriko Etxebizitza kooperatibako kideekin batera.

Herriko etxeko hauteskundeen bigarren itzulia iragan da atzo Senperen. Ehun bozeko tartearekin, Bernard Elhorga gailendu da Hats Berri zerrendako Christophe Jauregiren parean. Zehazki, 1.333 boz bildu ditu Elhorgak, eta 1.233 Jauregik. Aldiz, Dominique Idiart auzapez ohiak 886 eskuratu ditu. Ondorioz, horrela gelditu da herriko kontseilu berriaren osaketa: Egin Senpererentzat taldeak 29 hautetsitik, 21 izanen ditu, Hats Berrik bost eta Elgarrekin Senpererentzat zerrendak hiru. Elhorga, Arhancet eta Jauregi dira Hirigune Elkargoan lanean ariko direnak.

Pariseko laborantxa saloina ibiakoitz huntan idekiko da. Urtero bezala, laborantza ekoizpenen promozioaren egiteko parada izanen da. Pirinio Atlantikoetako departamenduko gunean, 300 metro karratuetan, 19 erakusketari izanen dira, horien artean Agour gasnategia, Elizaldia zerriki etxaldea, Kupela sagarno saltzaileak edo Irulegiko arnoaren kooperatiba. Horrez gain, 80 ekoizlek eta 280 ekoizpenek parte hartuko dute saloineko lehiaketetan.

Anne Bisagni-Faure Bordaleko Akademiako errektorea Maule eta Baionan izanen da gaur. Mementoa baliatu dute Seaskako buraso eta langileak, azterketak euskaraz egiteko eskubidea aldarrikatzeko. Errektoreak eskerrak eman dizkie asteazkenean egin ekintza "manera baketsuan" egiteagatik, eta arrapostua jasoko dutela hitzeman die baina ez du segurtatu "arrapostu baikorra" izanen denik.

Urtebete bete da Errusiar Federazioak Ukrainia inbaditu zuela, Donbaseko lurraldearen eta Ukrainiako Gobernuaren arteko gerra zibil luze baten ondotik. Gatazka militarra, gatazka ekonomiko bortitz gisa bizi dugu Euskal Herrian eta Europar Batasunean, eta munduko egoera geopolitikoa azkarki aldatu du. Gai honetaz argiênak eman dizkigu Asier Blas EHUko nazioarteko politikan adituak.

Joan den urteko uztailaren 23an, blokeo eguna kari, autopistan etzan eta bidea oztopatu zuten 11 bakegileak auzipetuak izan dira atzo. Prokuradoreak 950€ko isuna galdegin du haien kontra gibelapenarekin hauetariko 10entzat eta azkenarentzat gibelapenik gabe. Entzuten dugu Amaia Rekarte, auzipetuen abokatuetarik bat zen:

Jean René Etxegarai eta Daniel Olzomendi hautetsiak ere mintzatu dira lekuko gisara. Auzitegiak bere erabakia martxoaren 9an emango du.

Erakasle izaiteko ikasketeten karietarat Zaroko Amaia Maitiak memorio lan bat eraman du libertimenduaz : libertimendua euskal kultura eta gizartearen garapenaren ispilu bat ? ikerketa lana nola eraman duen eta zoin izan den egiten zuen galderaren erantzuna erranen dauku.