Aurten %5-ez emendatu dute departamentuan bildurik izan den esne kantitatea, orotara 64 milioi litrotara heltzeko.

Ardi esne interprofesioak bere biltzar nagusia egin du iragan ostiralean Urdiñarben. 220 kide bildu dira goizean, bazkari ondotik ardi zentroaren estrenaldira joaiteko. Azpimarratzekoa da aurten 40 urte ospatzen zituela ofizio artekoak.

Idortea jin bada, aitzinetik bazka ainitz bazuten kabaleek eta horrek eman du urte hatsarre on bat. 1.200 esne saltzaileen esnearekin 16 mila tona gasnatu dituzte departamenduko 10 bat gasna egile enpresek. Beren aldetik departamenduko 400 batek etxen ekoizten dute, horiek 15 milio bat litro gasnatu dituztelarik.

Halere laborari kopurua apalduz doa, urtero hogeitabost ardi esne ekoizle, horri buru egiteko gazteeri ofizioaren aurkeztera joaiten hasi gei dute aurten.