Allande Boutin kazetariak erretreta hartuko du 40 urteren ondoren. 1986an hasi zen lehen ikastaro eta kazetari lanak egiten, aprendiz gisara, Le Point eta Le Monde-n. Bi urte beranduago Euskal Telebistako arduradun batek deitu zuen Baionako ordezkaritza eskainiz, eta Euskal Herrira begira jarri zen.

Parisen sortu bazen ere Euskal Herriarekin harremana bazuen Allande Boutinek, ama xiberutarra baitzuen. Euskara ikasi zuen Pariseko Euskal Etxean, eta euskara hobetzeko xedez, Gure Irratian egin zituen praktikak, 1983.urtean, Milafrangako lehen estudioetan. Eta preseski, euskarak egin dituen aitzinamenduak azken hamarkada hauetan Ipar Euskal Herrian, aipatu digu Allande Boutinek, Goiz Berriko kazetarien solasaldian.

Entzun Allande Boutinen hitzartzea Goiz Berri emankizunean.