Milafranga, Bidarte, Hazparne, Mugerre, Azkaine, Senpere, Angelu, Gixune, Beskoitze, Urruña, Bardoze, Hendaia eta Arrangoitze dira Bizik begistatu 14 herriak. Elkartea ohartu da bestalde hirigintza plan berrietan Scotaren erranak segitzen direla, salbu, Euskal-Kotsa eta Aturriko lurraldean, galdegin baino lur xahutze gehiago aipu baitute han.

Biziko Xabier Harluxetek elkarrizketan esplikatu bezala, artifizializazioak ondorio zuzenak baditu klimaren berotzean: lurreko karbonoa aireratzen du eta berotegi efektua handitzen, lurrak karbonoa atxikitzeko duen gaitasuna mendratzen du, uraren atxikitzeko duen gaitasuna halaber kentzen dio horrek dituen ondorio guziekin.

Azken urtean ttipitu

Halere Bizik ikusi duenez, azken urtean Scot Lurralde Eskemak gomendatu zuhurtziatik hurbiltzen ari dira herri gehienak. Tentsio gunean, zuhurtzia handiena erakutsi duten herri batzuk ere aipatu ditu, kasu egin dutena lurrik ez sobera andeatzeko azken bost urtetan : Getaria, Ziburu, Haltsu, Lehuntze, Donibane Lohitzune, Biriatu eta Bokale dira hauek.

Oroitarazi du bestalde, azken bozetan 30 herrik engaiamendua hartu dutela oraino gutiago artifizializatzeko. Bizik hurbeltik segituko ditu engaiamenduak.