EHBai-k Donibane Lohitzunen antolatutako mobilizazioak jendea bildu du. eskuin muturraren presentziaren hazkundea salatzeko. Koalizioak ohartarazi du RN eta Reconquête alderdiak hainbat sektoretan eta datozen herriko hauteskundeetako zerrendetan indarra hartzen saiatzen ari direla. Horren aurrean, EHBai-k Ipar Euskal Herriko alderdi, zerrenda eta hautagaiei arduraz jokatzeko eskatu die, eta eskuin muturrarekin inolako aliantzarik ez egiteko, lurraldearen eta gizartearen etorkizuna interes partidisten gainetik dagoelako.

Egun pertsonatik gora batu dira @EHBai-k luzatu duen deialdira, eskuin muturraren aurka.

Herriko bozetarako zerrendak osatzen edo eskuineko zerrendetan integratzen saiatzen ari direla dio EHBai-k.@euskalirratiak pic.twitter.com/DZ8QKB0Ayb

— Esteban Bastié Aguerre (@estebastie) November 14, 2025

Mathilde Harry bozeramaileak azaldu du mobilizazioa beharrezkoa dela eta ez dutela baztertzen bestelako alderdiekin elkarlana, beti ere eskuin muturraren aurkako jarrera argia mantenduz. EHBai-k, gainera, azpimarratu du «harresia» eraiki behar dela hauteskundeetatik harago, eta gogora ekarri ditu azken urteetako bake prozesua, elkarbizitza, euskara, etxebizitza soziala eta klimaren aldeko borrokak, Ipar Euskal Herriko balio partekatuen adibide gisa.