Sasoi hastapen oso ona daramate xuri-gorriek

Bost puntu hartu ditu Niza eta Colomiersren kontra Miarritzek. Gainera, Oyonnaxen jasan badu galtze bakarra (47-25), Neversen nagusitu zen joan den astean (20-22). Sailkapenean laugarren lekuan dira lapurtarrak eta bosgarrenean dago Montauban tanto bat gibeletik bakarrik.

Kerman Aurrekoetxeak Oyonnaxen hasi bazuen partida erdilari postuan, geroztik, ez da ez titular ez ordezko bezala sartu zelaian. Beste hiru partidak hasi ditu Lesgourgues-k, eta Retièrek du ordezkatu partidan zehar.

Kerman Aurrekoetxeak erran digunaz, erdilari posturako trebatzeaz gain, hegalari postu batean edo gibeleko gisa ere joka dezake.