Goizean goiz eta euripean, 480 lasterkari abiatu dira Baigorritik Ultra Trail lasterketan.
270 ekipa abiatu dira ondotik 65 kilometroko Endurance Trailean. Sorpresa izan da antolatzaileendako denak hor zirelako Pantxika Larramendik azaldu digunez: "Uste genuen guttiago joanen zirela. Baina azkenean, denak hurbildu dira eta denak abiatu dira".

Elurra izan da Autza eta Adiko kaskoetan, ondorioz, desbideratzeak plantan eman dituzte. Lasterkariak beheretik pasatuko dira.

Urepeletik, 2x40 kilometroko lasterketa eta 2x25 kilometroko Trail Gurmanta abiatu dira. Bihar ezagutuko dira bi lasterketa horien irabazleak. Emaitza guztiak segitzen ahal dira zuzenean https://euskal.v3.livetrail.net/fr/2026 webgunean.

Baigorritik, Neska Trail 8 kilometroko lasterketa 17:30etan abiatuko da ostiral honetan eta Iluna Trail, 27 kilometroko lasterketa, 23:00etan. Antolatzaileek adierazi dute mantenduak direla lasterketa guztiak.