Frantziako gobernuak lege proiektu bat aurkeztu zuen atzo, maiatzaren lehenean lan egiteko arauak aldatzeko. Testuak aurreikusten du 2027tik landa okin eta lore-saltegietako langileak lanean jartzea, haien nahikeriaren arabera eta soldata bikoitzarekin. Bestalde, ekologistek eta SUD-Solidaires sindikatuak auzitegira eraman du Frantziako estatua, salatuz gaurdanik gobernuak lan inspekzioari eskatu diola maiatzaren lehenean lanean ariko diren okin eta lore-saltzaileak ez zigortzea, legea saihestuz.

Maiatzaren leheneko manifestaldian gai zentrala izanen da hau eta LAB, CGT, FSU eta Solidaires sindikatuek mobilizatzera deitzen dute 11:00etan, Baionako Lan Burtsa aitzinean. Gaskoien plazan bukatuko da manifestaldia, aurrenekoz.

Maulen, 10:30ean emana da hitzordua Lougarot plazan manifestaldia egiteko. Ondotik aperitifa eta bazkari partekatua izanen dira Zinkan. Eta CGT sindikatuak Hendaian ere ematen du hitzordua 11:30ean, herriko etxeko plazan.