Asteazkena
2026ko martxoaren 25a
Hiru orduz, Urruñatik sartu, Hendaia gurutzatu, Irungo erdigunea zeharkatu eta Hondarribiren itzulia egin du Korrikak, Gaintxurizketan barrena Oarsoaldera joan aitzin.
Hiru ordu pasaz eskualdean ibili da Korrika, 24 ordu lehenago ere Irundik eta Bortzirietatik pasa ondotik. Goizeko 3:40 aldean Urruñatik atera ondotik Hendaian sartu da, eta Hendaia, Irun eta Hondarribia gurutzatu ondotik, Lezora joan da Gaintxurizketan barrena. Zuzenean eman dugu Euskal Irratietan ibilbide osoa, dozenaka lekuko eramaileri ahotsa emanez. Orri honetan ikusgai den bideoan ikusi daitezke momentu indartsu batzuk.
