Garaipen historikoa

Zesta-puntan, Barandika eta Lekerikak gaina hartu diete 2 mantxa eta 1, Estatu Batuen izenean ari diren Sorozabal anaien kontra. Laduxe eta Basque lapurtarrek brontzezko medaila eraman dute. Emazteetan, zilarrezko medaila lortu du Euskadik Espainiarentzat ari diren bizkaitarren kontra galdu ondotik. Hor ere Frantziako selekzioak hirugarren bukatu du.

Esku huskan, trinketeko bi finalak zuzenean ostegun honetan Euskal Irratietan

Trinketean, esku huskako finalak ostegunean izanen dira buruz buru eta binaka Frantzia eta Espainiarentzat ari diren euskaldunen artean. Atzo elkarren kontra ari izan dira multzoko azken eguna kari. Mathieu Ospitalek 2-1 irabazi du Eneko Maizen aurka. Eta Pierre Etxeberri eta Andoni Iphar 2-0 nagusitu zaizkie Alvaro Garatea eta Arai Murillori.

Pierre Etxeberri eta Andoni Iphar urdinez ari izan dira horiz ziren Alvaro Garatea eta Arai Murilloren kontra multzoko azken partida kari.


Asteazken honetako finalerdiak:

30 metroko ezkerpareta

Paleta goma hutsean - emazteak

• Euskadi / Mexiko

• Txile / Espainia

Paleta goma hutsean - gizonak

• Argentina / Frantzia

• Mexiko / Espainia

Frontenis - gizonak

• Mexiko / Frantzia

• Espainia / Estatu Batuak

Frontenis - emazteak

• Mexiko / Txile

• Kuba / Espainia

Frontball

Gizonak

• Euskadi / Espainia

• Mexiko / Peru

Emazteak

• Euskadi / Mexiko

• Venezuela / Espainia

Emaitza guziak: https://fipv.eus/pub/competicion.asp?idioma=ca&idCompeticion=53