Masters Xare lehiaketa iraganen da 2026ko otsailaren 16tik 21era Hazparnen lekuko Noizbait elkarteak antolaturik. Driollet, Lopetegi edo/ta Sistiague bezalako jokalari esperientziadunak ariko dira baita Castera, Halsuet-Perugorria edo/ta Bortheiru anaiak bezalako gazte trebeak ere bai. Hiruko hiru multzo izanen dira. Lehen zortziak sailkatuko dira osteguneko final-laurdenetarako. Ostiralean finalerdiak jokatuko dira eta finalak larunbatean Berria trinketean.

19 eta 22 urtez peko Masters Gazte lehiaketen finalerdiak eta finalak ere ikus daitezke azken bi egunetan.

Egitaraua eta ordutegi zehatza noizbait.org webgunean