Xabi Lasa Berriozar idazlea Donapaleun izanen da irailaren 20an. Zabalik elkarteak gomitatu du bere eleberriaren aurkezpenaren egiteko. “Ura ez baita beti gardena”(Elkar) liburuarekin 2023ko Irun hiria saria ukan zuen. Suspentsez bete trama polizial horretan, Nafarroako uraren problematika oinarritzat hartzen du idazleak. Hegoaldeko lur idorretan ura baino errealitate polotiko eta ekonomiko anitzez zabalagoak aipatzen ditu eleberriak.

Fikzioaren bihurguneek gaurko kudeantza ekonomiko politikoan zentrala den gai batetan sartzen gaituzte : uraren antolamendua. Interes ilun eta bortitzenak pizten dira, politiko kontserbadore, lobby agro industriala eta itzaletik dabiltzan botere faktikoen meneko... Xabi Lasa Berriozarko alkate (2007-2015) eta foru parlamentari izan zen aldaketaren gobernuan (2011-2015). Esperientzia hori abiatzepundutzat hartuta eleberrian agertzen diren egoera ilun eta korapilatsuak sortu ditu.