Lur sagarrak, piper eztia eta kuiak landatu zituzten hektarea bat eta erdiko lur batean. Ondotik auzolanari esker zainduko dituzte barazki hauek. Sinbolo azkarretik haratago, laborantzako lurrak defendatzen dituzten militanteek erakutsi nahi izan dute Marieniak hazkurri lurrak direla. Auzitegian, euskal hirigune elkargoko abokatuak erran zuen ez bezala.

🌾Kanbon Marieniako lurren landatze eguna abiatu da.

Itsasu eta Kanbotik bi ibilbideak elkartu dira Marienian oraintxe. Hitzartzea eta makilekin zin egingo dute militanteek. pic.twitter.com/UZWMdYTLYZ

— Euskal Irratiak (@euskalirratiak) May 17, 2025

Marieniako lurrez gain, beste borrokak batu dira larunbateko egunera. Baztango Aroztegia proiektuaren kontrako kideak hor ziren bai eta Biarnon E-CHO dekarbonatze xedearen kontrako CADE elkartekoak. Bouygues Immobilier-ren proiektua salatzeagatik 3 militanteren kontrako auzia oroitarazi dute, irailaren 9an, Kanboko kontseiluko ekintzaren harira. Bestalde joan den astean, 2022an Bouygues-n maketa bat lurrez estaltzeagatik zorrozkiago kondenatu diren militanteen sostenguz kutxa bat ireki du Ostia sareak.