Politikatik Politikara saioak aktualitatezko gaiak jorratzen ditu, hiru gonbidaturekin: Anick Trounday, Iker Etxepare eta Nikolas Blain.
Saio honetako aipagaiak laborantza, osasun arloa eta euskara izan dira.
Mingain urdinaren eritasunaren kontrako txertoa itxoiten ari dira laborariak. Ardiak jotzen dituen eritasuna borrokatzeko, hilabete bat da frantses gobernuak txertoa hitz eman duela, baina oraindik ez dira iritsi. FDSEA sindikatuko kideak bildu dira ostegun honetan Baionako suprefetarekin. Erantzun bat azkar behar dutela azpimarratu dute, bereziki hegoaldean saltzen baitituzte axuriak. Louis Bizkaixipi, FDSEAko axuri sailaren presidentea da:
Ostegun goizean bildu dira Baionako suprefetan FCO edo ardien mingain urdinaren eritasunari begira. Eritasuna pairatzen duen etxalde batek ezin du hilabete batez saldu axuririk. Alta hazleak prest dira mementu huntan saltzeko. Txertoak nun diren xuxen galdegin diote suprefetari:
Makean, larunbatan Palestinaren aldeko eguna iraganen da."Ibaitik itsasora, Palestina libre" lemapean antolatzen dute Iparraldeko sostengu talde desberdinek. Egun osoko egitaraua prestatu dute; goizean hitzaldi bat egongo da, Palestinaren egoerari buruz. Arratsaldean, tailerrak izango dira: laborantza, pinkwashing-a edo armamenduaren inguruan. Egunean zehar, Palestinako produktuekin osatutako merkatu bat egongo da. Apairua eta kontzertuak ere izango dira arratsaldean. Irabazi guztiak, Adammer elkartearentzat izango dira, Palestinako preso politikoen aldeko elkartearentzat. Jakin, egun horren inguruan gehiago entzun ahal izango duzuela 8:00etatik aurrera, antolatzaileetako Mirentxu Arbeletche entzuten ahalko baituzue.
Asier Blas-ek azaltzen digu Donald Trumpen hauteskundeak nola eragingo duen nazioarteko politikaren arloan.
Urtero bezala, Table du soir egiturak neguko sasoia abiatu zuen asteartean. Aurten hirugarren urtez, udan ere bazkariak eskaini dituzte. 2023-2024 sasoian zehar orotara 25 000 otordu apailatu dituzte laguntzaileek. Bataz-beste, egunean ehun pertsona hurbiltzen dira bertara jatera. Uda honetan, usaian baino emazte gehiago izan dira, hots hartzaileen %13.
Aurten ere « Foulée du partage » izeneko lasterkaldia antolatzen du elkarteak dirua biltzeko, azaroaren 24an. Iaz 1200 lasterkarik parte hartu zuten.