Erretretaren erreformaren kontra Intersindikalak deitutako hamalaugarren greba eta mobilizazio eguna izan zen atzo. Baionan iragan den manifestaldian 6.000 pertsona bildu dira Intersindikalaren arabera. Ostegunean, Frantziako Asanblea Nazionalean erretreta hartzeko adinaren atzerapena indargabetzeko LIOT taldeak proposatu duen lege proposamena ezbaian izanen da eta testuinguru horretan burutu da atzoko mobilizazioa.
Duela abantsu hiru hamarkada sortu zuten Pierre eta René Etchemendy bazkideek beren autobus enpresa. Urte guzti hauetan eskoletako garraioan oinarritu dira, baita tokiko kirol taldeen garraioan ere. Orain, bi enpresaburuek erretreta hartuko dute, eta enpresaren segida langileek hartuko dute. Gaur egun hogei langile dira orotara, eta horietarik zortzikkooperatiba sortzeko hautua egin dute. Arño Etchemendyautobus gidaria:
Ipar Euskal Herria, ur eskasiagatik zaintza pean? Prefeturak ez du oraino agindurik ez neurririk inposatu, baina laster egin lezake. Izan ere, gure lur azpiko erreserbak ez dira pikoan. Negu hontan ez du aski euri, aski elur egin eta ondorioz iragan urteko egoera arranguragarria errepikatzea gerta liteke. Hemendik eta hamar urtera, gainera, Iparraldeko iturrien %30 idortuko duela ohartarazi du Hirigune Elkargoaren ikerketa batek. Aurtengo udari begira, Elkargoak jada abiatu du ur kontsumo arduratsua bultzatzeko sentsibilizazio kanpaina, eta hainbat obra ere hasiak dira ur banaketa sisteman. Jon Haritxelar, Hazparne eta Bidaxunealdeko ur-zerbitzuko teknikariak hainbat xehetasun eman dizkigu Goiz Berri saoian.
Joan den larunbatean estrenatu dira Larzabaleko Bizideki autisten zentroan egin obrak. Orotarat 700.000 euro, ganberetako bainu gelak arraberritzeko eta balneo lasaitze guneen eraikitzeko. Oztibarreko mendi sindikatak eraiki zuen zentro hau duela hogei urte. Gaur egun, zentroa Oztibarreko bigarren enplegatzaile handiena da 37 langilerekin, eta 30 eta 60 urte arteko 27 egoiliar ditu. Azken hamarkadetan haur autistentzat eskaintzak doi bat emendatu badira, heldu autistentei begira duela 20 urteko ber heinean dira. Leku eskasiari ihardukitzeko gogoeta orokor bat behar dela uste du AFG Autisme elkarteak, eguneko harrerak sortuz edota merkeago diren egitura ttipiagoak sortuz.
Ozazen 30 pertsona elkarretaratu ditu XEKK Xiberoko espekulazioaren kontrako kolektiboak. Herrian diren hamabost etxe huts eta bigarren bizitegi seinalatu dituzte afixa batzuen bidez. Hitzartzean adierazi dutenez, «denei irekia den Xiberoa nahi dugu, ez aberatsen Xiberua». Ber ekintza egin zuten apirilaren 15ean Irabarnen, etxe uts bat sinbolikoki okupatuz. Ekintza horren ondorioz, jabeak kolektiboaren kontrako auzibidea abiatu dutela jakin dute berriki. Nolanahi ere, okupazioaren bidea ez dute gerora begira baztertzeko asmorik, eta uda honetan hainbat ekimen eginen dituztela iragarri dute. XEKK kolektiboko Joanes Etxeberria:
