Pentsaketan

Pentsaketan irratsaioak gaurkotasunaren zaratatik urrundu eta gogoetarako tarte bat eskaini nahi du. Pauline Guelle, zuzenbidean doktorea eta Txomin Poveda, soziologoa solaskide harturik, gaurko presako titularretatik harago doazen gaiak jorratzen dituzte, molde lasai eta sakonean. Saioak ez du albiste beroen gibeletik korrika egin nahi, baizik eta entzuleari hausnarketarako gakoak eman, Ipar Euskal Herriko errealitatetik partituz eta ikuspegi kritiko batekin. Filosofia, gizartea, legea, kultura edo egunerokotasunaren atzean ezkutatzen diren mekanismoak aztertzen dira, eztabaida irekian eta elkarrizketa aberasgarri baten bidez. Pentsaketan Kanalduderekin lankidetzan ekoizten da, eta hilabetean behin ikus-entzuteko aukera eskaintzen du, ideiak lantzeko, iritziak zabaltzeko gonbidapen gisa.