Onizepea eta Ezpeize arteko bi kilometroko desbideraketaren eztabaida, pizturik segitzen du. Hamarnaka txirrindulari elkartu dira iragan larunbatean, proiektuaren «zentzugabekeria» salatu eta bide berde bat aldarrikatzeko. Gaitzetsi dutenez, desbideraketarekin minutu bat baizik ez dute aurreztuko auto gidariek, eta laborantzako bost hektarea lur kondenatuak lirateke. Ühaitzaren Bideak herritar elkarteko René Ayphassorro:
Euskal Herriko traineruen KAE1 liga abiatu zen larunbat arratsaldean Donibane Lohizuneko hondartza nagusian. Nesken bigarren dibisioko sasoia ere ber denboran, eta Zumaiako emazteak dira nagusitu Sestoarren aitzinean. KAE1 Ligan, berriki LAT Lapurdiko Arraun Taldeak erdietsi zuen bere tokia maila horretan. Beren etxean lortu dute bigarren tokian helmuga pasatzea, Pasaiako San Juan taldearen ondotik eta San Pedro aitzin. Atzo bigarren eguna iragan zen Pasaian, pausa handirik gabe. Ikurriña etxeko San Pedrok eraman du, eta bigarrena Zumaia izan da, Arkote hirugarrena eta lapurtarrak laugarren. KAE1 ligan, beraz, San Pedrotarrak dira buruan 22 punturekin eta ondotik, San Juan eta LAT bakoitza 20 punturekin.
Ataria egitasmoa abiatu dute Ipar Euskal Herriko hainbat eragilek transmisio kulturala lantzeko. Ataria elkartearen lehendakaritza hartu du Philippe Mayté historia irakasleak eta L’Argenté kolegioko zuzendariak. Formakuntzak eskaini nahi ditu elkarteak, Euskal Herriko historiari, kulturari, ekonomiari edo egoera sozialari buruz. Mementuko, lehen urratsak dira eta gune bat xerkatzen dute orain. Itsasun herriko etxearekin lanean ari dira toki baten atzemateko. Gaurko Giz Berri saioko gomitsa izan da Philippe Mayté:
Uda honetan, lagunak bildu eta osatu zure hirukotea. UDAN BAI joko berria abiatzen dugu, eta sari bikainekin gainera. LEHEN SARIA Ipar Euskal Herrian barrena aste hondar batez bidaiatzeko 1.500 euro, Euskal Hirigune Elkargoaren turismo sailaren eskutik. BIGARREN SARIA, aldiz, 500 euroko saria. Zer iruditzen? Baina kasu; lekuak mugatuak dira... 16 hirukote baizik ez baititugu onartuko.
Ez duda, osatu zuen taldea, eta deitu 07 52 06 95 79 telefonora.
Nola apaldu autoaren erabilera? Hori da 'Agir' saloiaren galdeketa hiru egunez. Frantzia mailako saloia antolatu dute Miarritzen. Bertan, garraio publikoari lotu 100 erakusmahai bildu dira. Iparraldeko TXIK TXAK sarea ere argitan emateko aukera izan da Euskal Hirigune Elkargoarentzat. Azpimarratu dute barnealdean, garraio publikoen eskaintza %40 emendatu dela 2017az geroztik. Bestalde, jakin ere sareko autobusen %25 elektrizitateari esker ibiltzen direla. Elkargoaren helburua da hemendik 2035era erregaiarekin dabiltzan ibilgailuak desagerraraztea.
Hego Euskal Herriko herriko etxe guztiak larunbatean osatuko dira. Aliantzen dantza bukatzen ari da eta herri gehienetan gehiengoak osatu badira ere, azken momentu arte sorpresak izan daitezke. PSEk eta EAJk herriko etxe gehienetan aliantzak egin dituzte, EH Bilduk aldiz Ahal Dugu alderdiaren inguruan sortu diren zerrenda desberdinekin. Iruñean, azken uneko sorpresarik ez bada, Joseba Asiron ez da izanen auzapez, PSNk betoa ezarri baitie abertzaleei. Beraz eskuineko auzapeza ukanen du Iruñeak. Goiz berriko gomita izan da Joseba Asiron EH Bilduko auzapez gaia.
Bakea, justizia, zoriona edo arrazoia… Filosofiako azterketa famatua pasa behar izan zuten atzo terminaleko ikasleek. Lau orenez hausnartu behar izan dute eta haien pentsaketa garatu, frantsesez. Aurten ere Etxepare lizeoko terminaleko 120 ikasleek, urte osoan ikasten duten hizkuntzaz kanpo landu dute baxoko azterketa. Filosofiako azterketa bururatzean, lizeoaren aintzinean egin dute elkarretaratzea azterketak euskaraz pasatzeko eskubidea aldarrikatzeko. Eta bere lehen agerraldia egin du bertan Nekane Artolak, Ikastolen Elkarteko lehendakari berriak.
Hazparneko zapatagintza industria du aztergai herriko historia batzordeak. Haien ikerketen berri emaiteko plazaratu zuten iaz Orkeia aldizkariaren lehen alea, eta berriki bigarren alea aurkeztu dute. Bertan, bistan dena, zapatagintzak Hazparneko industrian izan zuen garrantziaz, eta jarduera horren bat-bateko desagerpenaz mintzo dira. Orkeia aldizkariaren aleak eskuratu nahi izanez gero,
Haien egitekoaren ezagupen eskasa eta lan baldintza txarrak salatu dituzte AESH langileak. Elbarritasun egoeran diren ikasleak laguntzen dituzte egunerokotasunean hezkuntza zentroetan. Asteartean grebara deituak ziren, haien egoera agerian emateko. Elkarretaratzea egin dute Pauen, Hezkunde Nazionalaren Departamenduko egoitzaren aitzinean. Berriki, AESH laguntzaileen kategoria, AED eskola zaindarienarekin batzeko xedea iragarri du hezkuntza ministerioak. Goiz Berri saioko gomita izan da Halima Elduayen, Kanboko Errobi ikastolako ikasle elbarrituen laguntzailea.
