Sarean da ‘Egungo Euskararen Hiztegia’, euskara modernoari buruz egin den hiztegi zehatz eta zabalena. Ibon Sarasola hizkuntzalariak egin du, 15 urteko lan gogorraren ondotik. Euskara-euskara hiztegi hau paperean argitaratuko balitz, 30 bat liburu beharko lituzke, hots, 16.000 orrialde. Ipar Euskal Herriko hitz andana atzeman daitezkz, gehienak Itxaro Bordaren lanetatik eta Herria aldizkaritik hartuak. Miren Azkarate katedradun eta euskaltzainak hiztegi hau aurkeztuko digu gaur Euskal Irratietan, goizeko 8etako berri sailetik landa.

Bederatzi urteren ondotik Donostian jokatuko du Baionako Aviron errugby taldeak. Paueko taldearen kontra lehiatuko da larunbat honetan, Reale Arena zelaian. Zuei urdinek sasoi zinez ederra egiten ari dira. Asier Altuna Donostiako Avironeko errugbilari ohia izan da Euskal Irratietako gomita, Goiz Berri saoian.

Arbolak loratzen, egunargia luzatzen eta Nafarroaren Eguna hurbiltzen. Heldu da Baxe Nafarroako udaberriko ekitaldi garrantzitsuenetarik bat. Aurtengo edizioaren aurkezpzna egin dute Basaizea Kultur Batasuneko kideek. Apirilaren 30ean ospatuko da. Usaian bezalako egitaraua aitzinikusi dute, eta hitzordu horren aitzinetik Kulturaldia prestatu dute. Lehen hitzordua apirilaren 13an izanen da Urepelen. 'Azken dantza Maisua' dokumentala emanen dute, eta hurrengo egunean, Popo Larre Iparretarrak (IK) erakundeko kidearen desagerpenaren urtemuga kari, 'Bolante baten historia' dokumentala emanen dute.

Gérald Darmanin Frantziako barne ministroaren Immigrazio legearen kontrako mobilizazioa larunbat huntan. Tensiopeko testuinguru sozial huntan, hainbat elkartek argitan eman nahi izan dute, frantses Senatuan laster bozkatuko den immigrazioari buruzko lege proiektua. Etorkinekin kolektiboak salatu du, etorkinak gehiago «kontrolatu eta kanporatuko» dituen legea dela. Erretenzio zentroetan leku gehiago sortzea edo etorkinei osasun babesa murriztea aurrikusten du legeak. Larunbat huntan arratsaldeko 16:00etan Baionako herriko etxe aintzinean biltzera deitzen dute Etorkinekin, Bizi, LAB, Attac edota EELV berdeek.

Apirileko bigarren asteburuan ospatuko da Gotaine-Irabarnen Xiru festibala. Autrengo edizioan 'bidajeak eta ahaideak' gai harturik, historian eta munduan barrena bidaia kultura baten egiteko aukera izanen da, kantaldi, dantza ikusgarri, filma proiekzio, pastoral eta mintzaldi zenbaiten bidez. Egitarauari begira, apirilaren 8an, Joelle Strauss Bruselako Astor Klezmer taldeko kideak mintzaldi musikatua eginen du jatorri judutarra duen klezmer musika estiloaren historiaz. Bestalde, Robert Elizondok Xiberoko historiari behakoa eginen dio, esklabutzari eta haren merkatuari Xiberoan.

Urruñan etorkinen alde lan egiten duten hiru pertsona atxilotu zituzten astearte goizean, migranteei «legez kanpoko» laguntza emateaz akusaturik. Arratsalderako askatu zituzten. Hala ere, Jerome Bourrier Baionako prokuradorearen arabera, ikerketak irekirik segitzen du «manera antolatuan legez kanpoko egonaldian diren atzerritarrak laguntzeagatik». Bidasoa Etorkinekin eta Diakite kolektiboek deiturik, berrehun pertsona inguru bildu ziren Hendaiako polizia etxearen aitzinean, hiru kide horien kontrako errepresioa salatzeko.

Iparraldeko bizitegi sozialen egoerari buruzko azterketa egin du Herrian Bizi plataformak. Ondorio nagusia, argia da: etxebizitza sozialen eskaintza, ez dator bat eskariarekin. Orotara, 11.600 eskaera egin dira Iparraldean, eta bataz beste bi urte goiatatu behar da. Egoera hori hobetze aldera, instutuzioetan ikusten dute gakoa. Horretarako herriek beren hirigintza planoak moldatu behar dituzte, eta promotoreei zuzendu neurriak gogortu. Plataformak azpimarratu du ere, HSA edo Office64 bezalako egitura publikoak diru zailtasunetan direla.

Erretreten erreformaren kari azken egunetan izan gertakariak aipatzeko Mediabask hedabideko Maite Ubiria eta Berria egunkariko Ekhi Erremundegi kazetariak izan ditugu gurekin, Goiz Berri saioan. Jose Luis Aizpuru Euskal Irratietako erredaktore buruak gidatu du mahai-ingurua.

1997ko martxoaren 21ean zendu zen Marc Légasse-Zelaia, euskal militante eta idazle historikoa. Bere heriotzaren urtemuga kari, bere ibilbideaz mintzatu zaigu Peio Etxeberri.