Biriatuko San Martin besten arira, 520 lagunendako Tripotx afaria prestatu dute. Hitzordua ostirala hontan eta afarirako txartel guztiak saldu dituzte. Afari honetarako tripotxak, Urruñako Camino Berri sagardotegi-Jatetxean prestatzen dituzte, 1500 tripotx inguru, 200 kg baino gehio. Afarirako tripotxak prestatzeko, 8 lagun hiru egunez lanean ibili dira. Pierre Ibarburu, Urruñako Camino Berri jatetxe-Sagardotegiko nagusiarekin hitzegin dugu

Fermin Muguruzak zuzendutako Black is Beltza II: AINHOA animaziozko filma gaur aurkeztuko dute Baionako Atalante zine gelan arratseko 19etatik goiti. Iparraldeko zine aretoetara azaroaren 16tik aurrera iritsiko da baina bi aurre estreinaldi izanen dira astebukaera honetan. Ostiral honetan lehena Baionan eta bihar (larunbata) Donibane Lohitzunen. Gaurko aurre estreinaldia kari gaualdi berezi bat antolatu da Atalante zine gelan eta gaurko egunaren nondik norakoak bilduko ditugu, Maia Muruaga:

Jara Artzamendi eta Baigura inguruko 10 herriek partzuergo bat muntatzen ari dira laborantxari dinamika bat ekartzeko eta mendi guneko lurrak kudeatzeko. Partzuergo hortan pentsatuak diren proiektuak zoin diren aipatuko dauzkigu eramailetan den Bidarraiko auzapeza J Mixel Antxordoki-k. 

Ortzaizeko herriko etxeak biogasa sortzeko metanizazio gune bat sortzea bultzatzen ari da. Horretarako, aukera hori aztertzeko ikerketa bat abiatu du Hirigune Elkargoaren, Laborantza Ganbararen, I-Enerren eta Agromiomasse elkartearen laguntzarekin. Proiektu hunen ezagutzeko, Jeff Mateo hautetsiarekin bildu da Inhar Iraizotz: 

Euskal herriko laborantza ganbarak diru biltze kanpaina abiatua du lema hunekin: Trantsizioak gure esku! Zer deitzen dute trantsisioa eta zertarako eta zer maneretan.  Gure gomita egun EHLG ko lehendakaria Benat Molimos

Ipar eta Hegoaldeko lau muga-pasabide hetsiak dira oraino. Horietako bat, ….Hendaia eta Irun arteko  zubi zaharreko pasabideko hesiak kendu eta muga ireki dute, migranteeen aldeko elkarte , sindikatu eta alderdi  politikoetako ordezkariek. "Mugak apurtu eta zubiak eraiki" lelopean, Irun eta Hendaiako etorkinen aldeko elkarteek, migranteek Bidasoa gurutzatzeko dituzten nekeziak oroitarazi dituzte, eta poliziak egiten dituen KONTROL ARRAZISTAK salatu dituzte  Polizia entseatu da HESIAK KEN EZ ZITZATEN baina manifestarie burutu dute beren ekintza tentsio memento baten ondotik . Amaia Fontang 

Joan den asteburuan milaka pertsona bildu dira Deux-Sèvres “méga-bassines” edo ur-erreserba batzuen kontra! Asteburu osoan, Frantzia guziko jendea bildu da ur-erreserba proiektu baten geldiarazteko. La Rochelle eta Poitiers artean den Saint-Soline herrian poliziarekin istiluak gertatu dira. Artzea Lopez Arana han zen eta bere lekukotasuna eskaini dauku. Galdegin dakogu xuxen zer diren ur-erreserba horiek:

Xiberoko botza irratiak larunbat hontan 40 urte ospatzeko pesta handia antolatzen du Muskildin.
Pestaz gain irratiaren egoera eta erronkak aipatzen ditu Allande Errezarret irratiburuak:

Bidaxunen 65 hektareako lurra eta eraikin bat saldu ditu SAFER-ak miliun bat eurotan. Eroslearen perfilak eztabaidak sortzen ditu: kurtsetako zaldiak hezten dituen paristar bat. Bidaxuneko auzapezak dio karioegi zela laborari batendako. SAFER-ak erantzuten dako aspalditik jakinean zela herriko etxea eta ez duela deus egin. Galdegin dakogu Dominique Ameztoy Lurzaindiako presidenteari zer den elkartearen posizioa. ELgarrizketa entzuten dugu Antton Castoreorekin. (Argazkia: kazeta.eus)