Lehen bataila bat irabazi ondoan ere, Etxepare lizeoko ikasleak eta Seaska mobilizatu dira astelehen eguerdi huntan. Baxoko « berezitasuneko » azterketak gaur (astelehena) hasten direla eta, orroitarazi dute oraindik osoki frantsesez konposatu beharko dutela terminaleko ikasleek. Baxoaren gaian ere erantzun bat galdegiten dute. Brebetaren gaia deskorapilatu bada ere, azpimarratu dute sare sozialen bidez jakin zutela berria. Hezkuntza ministeritzatik mespretsuaren adierazle Seaskaren iduriko.
Berrogei urte, lehen eskola publiko elebiduna sortu zela Saran. Lau hamarkadaren ondotik, 24 eskola publikotan euskaraz irakasten dute ama-eskolan, eta hurrengo sartzean murgiltzea hedatuko da beste bost eskoletan. Baina galtze handia izanten da ikasleak CM 2 eta are kolegiora iragaiten direlarik. Neurketen arabera, kasik ikasle kopurua erdira murrizten da. Fenomeno hori aztertu dute Hendaian iragan den mahai inguruan. Bertan aipatu hausnarketak eman dizkigute Ikas Bi eta Biga Bai buraso elkarteetako Lutxi Detxart eta Celine Etxebarnek.
Akitania Berria/Euskadi/Nafarroa Euroeskualdeko ordezkari politikoek urteko lehen bilkura orokorra egin dute Donibane Garazin. Abiadura handiko korridore atlantikoa babesteko, eta Frantziako Gobernuari hartutako konpromisoak bete ditzan galdegiteko baliatu dute hitzordua Alain Rousset, Iñigo Urkullu eta Maria Chivite presidenteek. Izan ere, Frantziako Azpiegituren Orientabiderako Kontseiluak (COI) Bordele-Akize arteko abiadura handiko lotura 2042 urtera gibelatzea pentsatzen du, Hendaiako nahiz Euskal Y-ren lotura dilindan emanez. Horrek hautsak harrotu ditu Eusko Jaurlaritzan, eta Urkulluk Frantziako Gobernuaren gaineko presioa azkartzen hasi da, lehenik Macroni igorri gutun baten bidez, eta bigarrenik, ardatz atlantikoko ordezkari politiko nagusiak berekin lerrokatuz. Horrez gain, Euroeskualdea zeharkatzen duten azpiegitura elektrikoak hobetzeko eta hidrogeno korridorearen egitasmoa bultzatzeko beharra aipatu dute.
Ekaina erditsutan eta uztaila hastapenean emanen dute Arrosatarrek kabalkada. Joan den urtetik hasiak dira prestatzen eta asteburu honetan errepika orokorra egin dute. Haiengana hurlbidu gara, ikusgarriaren azken berriak hartzeko.
Botere eta diru laguntza gehiago galdegin dizkio Euskal Hirigune Elkargoak Frantziako Gobernuari, lekuko etxebizitza politika azkar bat abiatzeko. Horretarako, AOH Etxebizitza Antolatzeko Autoritatea bilakatu nahi luke. Bestalde, Energia eta bizitegia izeneko bi egoitza ere sortuko ditu aurten, Donapaleun eta Baionan, berritze energetikoari eta bizitegiari doazkien galderen inguruan herritarrak kontseilatzeko. Hainbat herriko etxeren laguntzeko azterketa ere darama, zenbait egoitza zaharberritzeko eta herri erdigunean berpizteko xedez.
Bigarren etxebizitzen inguruko kanpaina abiatu du koalizio abertzaleak. Getarian aurkeztu dute, preseski, bigarren bizitegiek lehen bizitegiak gainditzen baitituzte bertan. Orotara Ipar Euskal Herrian 42.000 bigarren bizitegi badira, parke osoaren %20 inguru. Fiskalitate eta lege aldaketa galdegiten du EHBai-k. Afitxak ezarri dituzte herri guztien sarreretan, bigarren etxebizitza kopurua agertaraziz. Nicolas Blain, EHBai-ko bozeramaileak azalpenak eman ditu:
Brebeta osoki euskaraz pasatzen ahalko dutela jakinarazi du Pap N’Diaye Frantziako Hezkuntza ministroak berriki, Euskararen Erakunde Publikoari. Denbora berean, astelehen huntarik goiti, Baionako Etxepare lizeoko 120 ikasleek baxoaren berezitasunezko frogak frantsesez pasatu beharko dituzte. Peio Jorajuria Seaskako lehendakaria Goiz Berri saioko gomita ginuen.
Baiona Ttipiaren bisita atipiko bat eskaini zuten larunbatean Jakes Bortairuk eta Dominika Daguerrek. Urteak dira Baionan bizi direla eta hamarkada ezberdinak ezagutu dituzte, garai ilunenetarik, borroka molde ezberdinetatik, gaur eguneraino.
Mobilizazio deialdia luzatu dute sindikatuek, heldu den martxoaren 23rako. Erretreten erreformaren lege proiektua indarrez pasarazi du Elisabeth Borne Frantziako lehen ministroak, Asanblea Nazionalean bozkatu gabe. Lehenago Emmanuel Macron presidenteak ministroen kontseilua deitu zuen, urgentziaz, 49.3aren aplikapena ahalbidetzeko. Ostegun goizean Senatuak baiezkoa eman zion erreformari, 193 aldeko eta 114 kontrakoekin. Haatik, Asanblean 38 bozka eskas zituzten. Konstituzioko 49.3 artikuluaren baliapenak haserrea piztu du ere Iparraldean. Baionan atzo intersindikalak deiturik 150 bat lagun mobilizatu dira Baionako Suprefeturaren aitzinean, eta zakar poltsak utzi dituzte egoitza sarreran. Angelun, CGT sindikatuko zamaketariak, burdinbideetako, metaleko eta energia arloko langileekin batera biribilgune bat blokeatu dute; eta horrez gain, portuko aktibitatea gelditzea erdietsi dute berrehun bat langilek. Era berean, LAB, FSU eta Solidaires sindikatuetako hamarnaka kidek Hendaia eta Parise arteko tren bat otzopatu dute oren erdiz, Hendaiako geltokian. Zuzenean entzun ditugu gaur Euskal Irratietan, Argitxu Dufau (LAB), Jean-Pierre Etxeberri (CFDT) eta Peio Dufau (CGT).
