200 kilo biper ezti erre dira asteazken goizean Baionan, besta hastapeneko Biper Omeletaren lehiaketarentzat. 

Urtero bezala bestak ofizilaki hasi aintzin 30 bat peñak parte hartu dute goizeko ekitaldian. Helburua da iparraldeko biper eztiaren ekoizpena ezagutaraztea, bai eta elkarte baten alde dirua biltzea. Lehiaketa Gela Ttiki peñak irabazi du.

Txapelketaren etekinak Gixuneko Nino haur elbarritu baten alde joango dira, xuxen Nino and Co elkartearentzat.

Angeluko Cyclopotes elkarteak ikusmen-gabeko jendeer parada ematen die bizikletaz ibiltzeko. Tandem club des déficients visuels du zinezko izena elkarteak eta 2004ean sortu zen. Joan den astean Amikuze eta Oztibarren gaindi pasa dute aste osoa, egun guziez ibilbide desberdinak eginez.

Cyclopotes elkarteak xedea du urte guzian itsuek kirola egin dezaten, partikularki bizikleta, haien ongizatea, aisialdia eta osagarriaren bermatzeko. Horretarako, tandemak badituzte. Gehienak bizikletaz ibiltzeko hurbiltzen badira ere, zenbaitzuk hurbiltzen dira ere apairuetan parte hartzeko, edo, logistikan laguntzeko. Larunbat guztiz ateraldi bat egiten dute, gainera, hiru aldiz urtean egun osoko ateraldia ere egiten dute ostatuan bazkalduz, azkenik, urtean behin, egun batzuetako egonaldia antolatzen dute, gauak barne, joan den astean egin duten bezala; Amikuze eta Oztibarren. Kide gehienak Angelu ingurukoak badira ere, barnealdetik ere bada joaten denik.

François Clavier Cyclopotes elkarteko presidenteak, dei egiten die ikusmenik gabeko jendeer hurbil daitezela elkartera.

Iaz antolatutako lehen edizioan, Ziburuko hiriak 1.000 lagun bildu zituen pilota plazan Lur eta itsaso afaria kari, Idokirekin eta Pleine Mer elkartearen adiskideak diren arrantzaleekin elkarlanean antolaturik.

Arrakasta honen ondorioz, hiriak ekitaldia berriz antolatuko du datorren Uztailaren 19an, etxaldeetako ekoizleak eta tokiko arrantzaleak ohoretan ezartzeko. Bigarren aldikotz antolatzen duen ekintza honen bitartez, Ziburuko hiriak tokiko kontsumo iraunkorra bultzatzeko eta sustatzeko xedea du.

Animazioak ere eskainiko dira: Patxi eta Konpainia taldeak mutxikoak emanen ditu eta haurrentzako animazioak izanen dira ere Sarde-Sardexka elkartearen eskutik. 

Ingurumenaren alde ere, bakoitzak bere mahain-tresneria (sardeska, labana etab.) errekomendatzen du herriko etxeak, hondakinen murrizteko.

Asteazken honetan irekiko dira Baionako bestak usaian baino goizago, bai egutegian bai tenorean. Gisa berean, Patxa plazako besta alternatiboak arratseko 6etan abiatuko dira. 

Aurten ere bestaren eredu euskaldun, feminista eta herrikoia sustatu nahi izan dute Gaztetxeko kideek. Horrez gain, parte hartu dute « 2032 kolektiboarekin » eraman den lanketan herriko etxearekin. 

Eneka Barnetx Borda, Zizpa gaztetxeko kidea da.

Jon Casenave Euskaltzain oso izendatu berri du Euskaltzaindiak, Beñat Oihartzabalen tokia hartuko du unibertsitateko literaturako irakasle erretretadunak.

Casenaveren izendapenarekin, Euskaltzaindiaren historian, ehungarren euskaltzain osoa izanen da.

Joan den astean, Ainizan etxaldeetako lana aipagai izan dute laborariek laborantxa ganbarak antolatu duen seminarioan. Erran behar da geroz eta gehiago presente dela lan zamaren txikitzeko eztabaida.  Horretarako, lan ardatz desberdinak jorratu dituzte.

Frantses Legebiltzarreko hauteskundeak burutu berri dira eta orain zer?


Bigarren itzulian %72,15eko parte hartzea izan zen Hego Lapurdiko bozka eremuan, lehen itzulian baina puntu eta erdi goragoa. Fronte Popular Berriak irabazi ditu hauteskunde legegileak Pirinio Atlantikoetako 6. hautesbarrutian, Peio Dufau izanen delarik diputatu heldu diren urteetan. Bozen %36,28 bildurik, 27 117 bozekin, historiako lehen diputatu ezkertiar abertzalea izanen da. Dufauk 5468 bozka gehiago bildu ditu lehen itzuliarekin konparatuz. Emaitza horiek interpretatzeko eta etorkizun hurbilean iraganen dena ulertzeko, Ekhi Erremundegi eta Jon Ansa gure Goizberriko gomitak ziren Jose Luis Aizpururekin puntu baten egiteko.

Frente Herritarrak irabazi ditu hauteskunde legegileak Pirinio Atlantikoetako 6. hautesbarrutian, Peio Dufau izanen delarik diputatu heldu diren urteetan. Bozen %36,28 bildurik, 27 117 bozekin, historiako lehen diputatu ezkertiar abertzalea izanen da. Haren gibeletik, Christian Devèze Kanboko auzapez eta hautagai makronista, 714 bozka gutiagorekin bigarren kausitu da, hirugarren haatik Victor Lastécouerès eskuin muturreko hautagaia, bozen %28,39rekin.

Bigarren itzulian %72,15eko parte hartzea izan zen Hego Lapurdiko bozka eremuan, lehen itzulian baina puntu eta erdi goragoa. Dufauk 5468 bozka gehiago bildu ditu lehen itzuliarekin konparatuz; aipagarria da EAJko hautagai Jean Telletxeak Fronte Herritarra bozkatzeko deia egin zuela, eta honek 3712 bozka batu zituela joan den igandean.

Eskuineko bi hautagaiei dagokionez, 26 403 boz batu ditu Christian Devèze makronistak, astebete lehenago baina 6600 gehiago. Eskuin muturreko Victor Lastécouèresek berriz, 21 222 bozka, 2613 gehiago. Bi itzulien artean beraz, Devèzek egin du igoerarik handiena, baina 714 bozka eskas izan zaizkio diputatu postua bereganatzeko.

6. hautesbarrutian, Peio Dufau (EHBai-NFP) diputatua izanen da heldu diren urteentzat. Bozen %36,28 bildurik, 27 117 bozekin, historiako lehen diputatu ezkertiar abertzalea izanen da.

2012az geroztik ez zen gertatu: Ezkerra lehena iritsi da Frantziako Legebiltzarreko hauteskundetan. Ipar Euskal Herria osatzen duten 4, 5 eta 6. hautesbarrutietan ere, Fronte Popular Berria lehena iritsi da. Heldu diren urteetan Fronte Popular Berriak eraman beharko duen lana zaila izanen dela dio Jakes Bortairuk. Jose Luis Aizpururen gomita zen, hauteskundeen emaitza historiko horiek komentatzeko.