Igandean iraganen da Kontxako Bandera famatuaren lehen eguna Donostiako uretan.

37 urterekin, ibilbide ospetsua darama Maider Bereau senpertarrak. Euskotren liga irabazi berri du Arraun Lagunak taldearekin eta Kontxa ere eskuratu nahi lukete.

Ostegunean, Ainhoa Etxenike arraunlari senpertarraren Tolosaldeako trainerua hirugarren helmugaratu da sailkatze-estropadaren karietara. Lehen txandan ariko da Tolosaldea, Hibaika, Donostiarra eta Zarautzekin batera. Bigarren txanda, Astillerok, Arraun Lagunak-ek, San Juanek eta Oriok osatuko dute.

Gizonetan, lehen txandan Donostiarra, Getaria, Orio eta Ondarroa ariko dira, eta bigarrenean, Hondarribia, Lekittarra, Zierbena eta Bermeo ibiliko dira.