Ana Ezcurraren Biarritz Berri eta Guillaume Barucqen Olatu Berri zerrendek bat egin dute bigarren itzuliari begira. Ana Ezcurra izanen da lista berriaren burua. Elkarturik, bi zerrendek batera bozen %30 inguru bildu dituzte lehen itzulian. Ana Ezcurra hirugarren izan da lehen itzulian bozen %17,82 bilduz eta Guillaume Barucq bosgarren bozen %12,15 bilduz.

Guillaume Barucqek azaldu du aliantza biziki naturalki egin dela eta Ana Ezcurraren emaitza ikusiz lehen itzulian normala zela bera buru izatea lista berrian. Gehitu du Ezcurra debatean hoberenetan izan dela. Ana Ezcurra zerrendaburuak adierazi du beren proiektu demokratikoa eramanen dutela Guillaume Barucqekin eta bere taldearekin. Beren helburua alternantzia segurtatzea da Miarritzen.

Bigarren itzulian, hiru zerrenda dira lehian: Ana Ezcurraren lista berritua;  Serge Blanco lehen izan zena %26,68rekin, jakinez Jean-Baptiste Dussaussois Larralde berekin doala bigarren itzuliko; azkenik, Maider Arosteguy auzapezaren lista, jakinez bozen %26,60 lortu dituela lehen itzulian.