Ipar Euskal Herriko hamaika zahar etxeren arteko Herri Kirol arratsaldea antolatu dute iragan ostiralean Angelun, ReSanté-Vous enpresa solidarioak eta EHPAD-en sareak. Hortarako, GAIA Herri Kirol elkartea gonbidatu dute eta 200 bat adineko pertsonek joko desberdinetan parte hartu ahal izan dute. Helburua, autonomia eta forma fisikoa hobetzea da.
Lehen sail elebiduna Saran ireki zen duela lau hamarkada, Savarie zirkularrari esker. Paradaz baliatu da Ikas Bi irakaskuntza publikoko ikasleen gurasoen elkartea, berrogeigarren urteurrena ospatzeko, Sarako eskolan berean. Kantu eta pailazoen artean, Ikas Biren kaieren bildumat berriz argitaratu du elkarteak, eta Ikabiklik telefono aplikazioa aurkeztu dute. Aplikazio hori, gurasoz eta irakaslez osatutako sare soziala da, haurren etxeko lanak egiteko orduan sor daitezkeen zalantzak argitzeko tresna baliagarria. Burasoek APP-aren bidez dituzten zalantzak sare sozialera igotzen dituzte eta bertako partaideek ahalik eta hoberen erantzuten saiatzen dira. Erantzunen kalitatea baloratu egin daiteke, horrela erabiltzaile bakoitzaren fidagarritasuna bermatuz.
Erretreten erreformaren ondotik beste testu minbera bat etortzekoa da frantses instituzioetara : Immigrazio lege proiektua. Martxo hondarrean aurkeztu beharra zen Senatuan, baina azkenean debateak gibelatuak izan dira, udazkenera arte. Etorkinen aldeko elkarteek salatu zuten kanporatze eta kontrolatzeak errestea duela helburu lege horrek. Giza eskubideen aldetik, legea ez dela egokia uste du Ilazki Ortego atzerritarren eskubideetan aditua den abokatuak.
Bizikleta elektrikoak zerbitzu librean eskainiko ditu Euskal Hirigune Elkargoak ekainaren lehenetik aitzina, mugikortasunean alternatiba berriak proposatzeko xedez. Horrela, bizikleta elektrikoen eskaintza %1etik %8ra igoko du Mugikortasun Sindikatuak. Bokaletik Hendaiara hedatuz eskaintza Pony sozietateak egin ditu txirrindula horiek eta Baionan ukanen du egoitza. Bizikletaren eskaintza ehuneko 1etik 8ra igoko du honela Bokaletik Hendaiara hedatuz eskaintzaBokaletik Hendaiara, hamabi herritan izanen dira bizikleta elektrikoak. Gune batean hartu eta proposatuak diren beste aparkaleku batean pausatzen ahalko dira. Bizikletak bi bateria ditu, 90 kilometroko autonomia eta 25 kilometro oreneko abiadura har dezake.
Sail maskulinizatuetan lanean ari diren emazteak bildu ditugu KaioLan emankizunean, haien egoeraren berri ukateko. Nola lotu ziren lanibde horri, zeintzuk dira zailtasun nagusiak edota parekidetasuna erdiesteko gakoak zentzuk izan daitezkeen galdegin diegu. Mahai inguruan parte hartu dute Xarlot Chory suhiltzaile profesionala, Leire Iturralde albaitaria eta Mirentxu Elizalde nahiz Denise Herriest laborariak.
