Amikuzen pausatu du zangoa Euskal Herria Zuzenean festibalak. Arberatze-Zilhekoak hartuko du 28. edizioa eta usaian bezala belaunaldi eta gustu orori zuzendutako eskaintza aberatsa proposatuko dute. aurtengo edizioan parte hartuko duten talde gehiagoren berri eman du: Su Ta Gar, Sune, Rudiger, Auhen, Pelax, Old School Funky Family, Janus Lester eta Octopussy. Aurretik iragarrita zuten jada Belako, Nakar, Vincen Garcia, Benizze, Lysistrata eta Eesah Yasuke taldeen parte hartzea. Herriko plazan eta herriko eskolan hainbat emanaldi, tailer eta hitzaldi izango dira.
