CD64 - Proiektuen bozketa - bakartze kanpaina

Idortearen aitzinen, laborantza eredua egokitzeko erronka

AKTUALITATEA

Ur eskasari nola egokitu laborantzan? Azken urte eta hilabeteetan idortea areagotu da aldaketa klimatikoaren ondorioz. Hori dela eta, landa eremuak egokitzeko beharretan izan dira laborari zenbait. Labore mota berri batzuk zabaltzen ari dira, adibidez sorgoa edo basartoa. Horri loturik ere, ura biltzeko eta banatzeko manerak eraldatzen ari dira, anitzetan pribatizaziora jotzen ari delarik. Preseski, uraren kudeaketa eta laborantzaren egokitzea hartu dugu hizpide Goiz Berri saioan Txomin Elosegi Euskal Herriko Laborantza Ganbarako agronomia eta landare-hazkuntza teknikaria.

Bost gune eta 36 argitaletxe aurtengo Ziburuko disko eta liburu azokan

AKTUALITATEA

Luzien Etxezarreta omenduko du aurten Ziburuko euskal disko eta liburu azokak, euskal literaturaren alde eta Maiatz argitaletxean egindako lana eskertzeko. Ekainaren 3an ospatuko da euskara hutsezko disko eta liburu azoka Ziburun. Baltsan elkarteak eta Argia hedabideak antolatuta 36 argitaletxe izanen dira present. Urtez urte argitaletxeen presentzia areagotuz, indartsu eta berrikuntzekin ospatuko da laugarren edizioa.

Bidasoako osasun zerbitzuen okertzea salatu dute milatik gora herritarrek

AKTUALITATEA

Mila lagun bildu zituen larunbatean Irunen Osasun Bidasoa plataformak. Bidasoaldeko osasungintza publikoaren «okertze progresiboaren aitzinean» arrapostu bat galdegiten diote Eusko Jaurlaritzari. Osasun zerbitzuen gainbehera, hogei urteotako inbestizamendu eta aitzinikuspen faltaren ondorio dela diote. Izan ere, hiru hamarkadaz emendatu egin den Irun-Hondarribiko 80.000 biztanleen populazioari ez ezik, Bortzirietako 9.000 herritar eta Hego Lapurdiko 4.000 mugaz gaindiko langileri ere zerbitzu ematera pasa dira leku berririk gabe. Osasun zentro eskaxak eta zaharrak, mediku eta espezialista falta, eta horren ondorioz, hilabeteetako goiatatze-zerrendak eta diagnostiko atzerapen larriak ematen ari direla salatzen dute. Irungo hirugarren lehen arreta zentroa eraikitzea, eta Bidasoko ospitalea berritzea eta handitzea galdegiten dute.

"Herrian bizitzeko erronkak" emankizuna, euskal hedabideak elkarlanean

AKTUALITATEA

Euskal Hedabideak elkartea osatzen duten Kanaldude, Euskal Irratiak, Kazeta.eus, Ipar Euskal Herriko Hitza eta Herria euskarazko hedabideak elkarlanean, “Euskal hedabideak lau haizeetara” saio berria eskaini dugu.

Ikus-entzunezkoen poloa eta adinekoentzako bizitegi partekatuak, Bidarraiko proiektu gotorrenen artean

AKTUALITATEA

Proiektu andana bidean dira Bidarraiko herrian. Pundua egin dugu gaur Euskal Irratietako Goizberri saioan Jean Mixel Antxordoki auzapezarekin. Adinekoendako bizitegi partekatu bat eraikitzear dira, Bidarrai eta inguruko xaharrendako. Egitura horrek gainera langile bat ukanen du. Horrez gain, Kanalduderekin batera, ikus entzunezko polo bat eta enpresa mintegi bat sortze bidean dira Onddoenia eraikinean. Bestalde, euskarazko haurtzaindegi berri bat sortu nahi dute herrian. Jean Mixel Antxordoki Bidarraiko auzapezak eman dizkigu xehetasunak, Goiz Berriko gonbitaren tartean.